Germaniyaning Xomberg shahrida bir erkak o‘z uyi yaqinida mashinasida o‘tirib, portlovchi qurilmani harakatga keltirdi, deya xabar bermoqda Korrespondent.net.
Hodisa guvohiga aylangan mahalliy politsiyachilar aytishicha, voqea tufayli yetti kishi jabrlangan.
Erkak oilaviy mojaro sababli o‘z joniga qasd qilgan. Politsiya xodimlari qo‘shnilar shikoyati tufayli yetib kelgan bo‘lgan. Ular oila boshlig‘ining avtomobiliga o‘tirib jo‘nab qolganini, so‘ng yana qaytib kelib, mashinasini uy yoniga to‘xtatganini ko‘rgan. Shundan so‘ng portlash ro‘y bergan.
Politsiyachilar so‘zlariga ko‘ra, mashinadan asar ham qolmagan, motorning bir parchasi portlash to‘lqini tomonidan 30 metr nariga uloqtirilgan. Yaqin atrofda joylashgan uylarning old tomonlari zarar ko‘rgan.
Izoh (0)