Turkiya bosh vaziri o‘rinbosari Byulent Arinch Anqara tashqarisida 150 ming m² maydonda qurilgan va Turkiya prezidenti Rajab Toyyib Erdo‘g‘onning rasmiy qarorgohiga aylangan “Oq saroy” qurilishiga bog‘liq ba’zi izohlar bilan chiqish qildi. Bu haqda Regnum.ru xabar berdi. Erdo‘g‘on avvalgi oddiyroq qarorgohini esa bosh vazir Ahmad Davuto‘g‘liga berdi.
Mamlakatda ushbu loyiha tufayli shov-shuv yuzaga keldi. Erdo‘g‘onning siyosiy raqiblari uni “hashamga moyillik”da ayblamoqda. Ta’kidlash joiz, “Oq saroy” Versaldan to‘rt marta kattadir, bundan tashqari, serhashamlikda Vashingtondagi Oq uy va Moskvadagi Kremlni ortda qoldiradi. 1000 ta xonadan iborat ushbu bino qurilishiga 615 million dollar sarflangan.
Arinch so‘zlariga ko‘ra, undagi prezident ofisi eshitishdan himoya qilish uchun eng zamonaviy vositalar bilan jihozlangan. Qarorgohni jihozlashga 1 milliard 370 million turk lirasi ajratilgan.
Izoh (0)