Туркия бош вазири ўринбосари Бюлент Аринч Анқара ташқарисида 150 минг м² майдонда қурилган ва Туркия президенти Ражаб Тоййиб Эрдўғоннинг расмий қароргоҳига айланган «Оқ сарой» қурилишига боғлиқ баъзи изоҳлар билан чиқиш қилди. Бу ҳақда Regnum.ru хабар берди. Эрдўғон аввалги оддийроқ қароргоҳини эса бош вазир Аҳмад Давутўғлига берди.
Мамлакатда ушбу лойиҳа туфайли шов-шув юзага келди. Эрдўғоннинг сиёсий рақиблари уни «ҳашамга мойиллик»да айбламоқда. Таъкидлаш жоиз, «Оқ сарой» Версалдан тўрт марта каттадир, бундан ташқари, серҳашамликда Вашингтондаги Оқ уй ва Москвадаги Кремлни ортда қолдиради. 1000 та хонадан иборат ушбу бино қурилишига 615 миллион доллар сарфланган.
Аринч сўзларига кўра, ундаги президент офиси эшитишдан ҳимоя қилиш учун энг замонавий воситалар билан жиҳозланган. Қароргоҳни жиҳозлашга 1 миллиард 370 миллион турк лираси ажратилган.
Изоҳ (0)