Amerikaning Detroyt shahrida (Michigan shtati) bir kishi rieltorlik agentligi saytiga ikki qavatli uy sotilishi yoki iPhone 6’ga ayirboshlanishi haqida e’lon joylashtirdi. Bu haqda Fox-2 telekanaliga tayanib, “TASS” xabar berdi.
Ma’lum bo‘lishicha, g‘ishtli uy iyun oyida sotuvga qo‘yilgan, biroq to‘g‘ri keladigan xaridor topilmagach, sotuvchi uyni yangi iPhone 6 smartfoni yoki iPad planshetiga ayirboshlashga tayyorligini e’lon qilgan.
Ko‘chmas mulk bo‘yicha agent Larri Elson e’lonning haqiqiyligini tasdiqladi.
Ta’kidlash joiz, 40 yil avval Amerika avtosanoatidagi vaziyat yomonlashishi bilan, Detroytdagi ahvol ham og‘irlasha boshladi. Bundan 10 yil oldin shaharda 1,8 million kishi yashagan bo‘lsa, bugungi kunga kelib ushbu ko‘rsatkich atigi 700 mingtaga tushib qoldi. Natijada shahar g‘aznasiga soliq tushumlari kamayib ketdi, infratuzilma buzila boshladi, jinoyatchilik darajasi oshdi.
Detroyt allaqachon AQShning jinoiy poytaxtiga aylanib bo‘ldi — bu yerdagi jinoyatchilik darajasi mamlakatdagi o‘rtacha ko‘rsatkichdan besh barobar yuqoridir.
2013-yil oxirida shahar bankrot deb e’lon qilindi, uning qarzi 18 milliard dollarga teng.
Izoh (0)