Checheniston Respublikasi fuqarolari prezident Vladimir Putinning tug‘ilgan kunini nishonlab, mamlakatning ulkan “tirik” bayrog‘ini yaratishdi. U kattaligi bo‘yicha jahon rekordini o‘rnatdi, deya xabar bermoqda “RIA Novosti” Ramzan Qodirovning Instagram’iga tayanib.
“Bugun (7-oktabr kuni) Grozniyda tirik davlat bayrog‘ini yaratish va unda qatnashgan odamlar soni bo‘yicha yangi jahon rekordi o‘rnatildi. Rossiya va Checheniston bayroqlarining uzunligi 2000 metrdan oshib ketdi, ushbu aksiyada yuz mingdan ziyod yigit-qiz qatnashdi. Ular Rossiya Prezidentini qo‘llab-quvvatlab, uni tug‘ilgan kuni bilan tabrikladi”, — deb yozdi Qodirov o‘zining Instagram’dagi sahifasida.
Eslatib o‘tamiz, 7-oktabrda Putin 62 yoshni qarshi oldi. Prezident matbuot kotibi Dmitriy Peskov uning tug‘ilgan kunini nishonlash uchun Sibir taygasiga jo‘nab ketganini ma’lum qildi. Shu kuni Checheniston poytaxti Grozniy markazida bir necha ming kishi ishtirokida namoyishlar bo‘lib o‘tdi. Aksiya ishtirokchilari Rossiya va Checheniston bayroqlarini ko‘tarib, “Rossiya!”, “Checheniston!” shiorlarini baralla aytishdi.
Izoh (0)