Avstraliyada nahang 23 yoshli syorfingchining ikkala qo‘lini ham tishlab uzib oldi, deya xabar bermoqda Korrespondent.net.
Fojiaviy hodisa 2-oktabr kuni Avstraliya janubi-g‘arbidagi plyajlardan birida sodir bo‘ldi. Ayni paytda sportchi shifoxonada og‘ir ahvolda yotibdi.
Qutqaruvchilar voqea sodir bo‘lgan Uayli-Bey plyajini yopib qo‘ydi, mahalliy baliqchilar esa odamga hujum qilgan nahangni qidirib topish uchun okeanga chiqishga tayyorlanmoqda.
Nashrning ta’kidlashicha, so‘nggi 100 yil ichida Avstraliyada nahangning odamlarga tashlanishi bilan bog‘liq 600 ta holat qayd etilgan, ularning 159 tasi kishilar halokati bilan tugagan. 2000—2013-yillarda G‘arbiy Avstraliya shtatida nahanglar hujumidan 11 kishi hayotdan ko‘z yumgan.
Izoh (0)