Poytaxt bozorlarida jamoatchilik nazorati punktlari paydo bo‘ldi, deb yozadi Anhor.uz. Ular ko‘rinarli joylarga stol-stul va soyabondan iborat shiyponcha ko‘rinishida joylashtirildi.
Nashrning aniqlashicha, ushbu punktlar bir-biriga zid mish-mishlar va uydirmalar keltirib chiqargan shakar narxi bilan bog‘liq voqealardan so‘ng tashkillashtirilgan.
Jamoatchilik nazorati punktlarida mahalla qo‘mitalari faollari navbatchilik qilib, Toshkentning dehqon bozorlaridagi narx va tartib ustidan kuzatuv olib boradi.
Anglashilmovchilik, norozilik yoki muammo keltirib chiqaradigan vaziyatlarga kuzatuvchilar o‘zlari aralashadi yoki bu haqda bozor rahbariyatini va tuman hokimiyatini xabardor qiladi.
Izoh (0)