Пойтахт бозорларида жамоатчилик назорати пунктлари пайдо бўлди, деб ёзади Anhor.uz. Улар кўринарли жойларга стол-стул ва соябондан иборат шийпонча кўринишида жойлаштирилди.
Нашрнинг аниқлашича, ушбу пунктлар бир-бирига зид миш-мишлар ва уйдирмалар келтириб чиқарган шакар нархи билан боғлиқ воқеалардан сўнг ташкиллаштирилган.
Жамоатчилик назорати пунктларида маҳалла қўмиталари фаоллари навбатчилик қилиб, Тошкентнинг деҳқон бозорларидаги нарх ва тартиб устидан кузатув олиб боради.
Англашилмовчилик, норозилик ёки муаммо келтириб чиқарадиган вазиятларга кузатувчилар ўзлари аралашади ёки бу ҳақда бозор раҳбариятини ва туман ҳокимиятини хабардор қилади.
Изоҳ (0)