22—23-avgust kunlari Qirg‘izistonning Bishkek shahrida Red Jolbors Fest — O‘rta Osiyo marketing va reklama festivali bo‘lib o‘tdi. Uning doirasida O‘rta Osiyodagi eng yaxshi reklama ishlarini mukofotlash marosimi o‘tkazildi.
Tazabek.kg xabar berishicha, unda Qirg‘iziston, Qozog‘iston, O‘zbekiston, Tojikiston, Ozarboyjondan 500 dan ortiq reklamachilar, marketologlar va PR-mutaxassislar ishtirok etdi.
158 ishdan iborat short list (tanlab olingan nomzodlar ro‘yxati) hakamlar tomonidan onlayn ravishda tuzildi. G‘oliblar esa marosimning o‘zida tanlab olindi. Qozog‘istonning agentliklari tadbirning eng ko‘p mukofotini qo‘lga kiritdi (45 ta). Qirg‘izistonliklar jami 14 ta mukofot oldi. O‘zbekiston esa turli yo‘nalishlar bo‘yicha 6 ta mukofotni qo‘lga kiritdi. Tojikiston 5 ta yo‘nalishda sovrindor bo‘lgan bo‘lsa, Ozarboyjon bu yil mukofotsiz qoldi.
Izoh (0)