Jazoir janubidagi Ukrainaning An-12 transport samolyoti halokatga uchragan joyda barcha qurbonlarning murdalari topildi, deya xabar bermoqda Gazeta.ru.
“ITAR-TASS”ning Jazoir ichki ishlar vazirligiga tayanib ma’lum qilishicha, bort Ekvatorial Gvineyaga qarab yo‘l olgan va parvozdan uch daqiqa o‘tib, Tamanrasset provinsiyasidagi aeroportdan 15 kilometr janubdagi hududga qulab tushgan. Halokatning ehtimoliy sabablaridan biri sifatida texnik nosozlik taxmin qilinmoqda.
Ukrainaning Jazoirdagi elchixonasi xabariga ko‘ra, “Ukraina—AeroAlyans” kompaniyasining An-12 yuk samolyoti 30-avgust kuni ertalab halokatga uchragan.
Havo kemasi Tamanrasset (Jazoir) — Malabo (Ekvatorial Gvineya) yo‘nalishi bo‘yicha neft uskunasini ortib ketayotgan bo‘lgan. Yetti nafar ekipaj a’zolarining barchasi halok bo‘lgan.
Izoh (0)