Жазоир жанубидаги Украинанинг Ан-12 транспорт самолёти ҳалокатга учраган жойда барча қурбонларнинг мурдалари топилди, дея хабар бермоқда Gazeta.ru.
ИТАР-ТАССнинг Жазоир ички ишлар вазирлигига таяниб маълум қилишича, борт Экваториал Гвинеяга қараб йўл олган ва парвоздан уч дақиқа ўтиб, Таманрассет провинциясидаги аэропортдан 15 километр жанубдаги ҳудудга қулаб тушган. Ҳалокатнинг эҳтимолий сабабларидан бири сифатида техник носозлик тахмин қилинмоқда.
Украинанинг Жазоирдаги элчихонаси хабарига кўра, «Украина—АэроАльянс» компаниясининг Ан-12 юк самолёти 30 август куни эрталаб ҳалокатга учраган.
Ҳаво кемаси Таманрассет (Жазоир) — Малабо (Экваториал Гвинея) йўналиши бўйича нефть ускунасини ортиб кетаётган бўлган. Етти нафар экипаж аъзоларининг барчаси ҳалок бўлган.
Изоҳ (0)