Ukraina prezidenti Pyotr Poroshenko Ukrainani har qachongidan ham yaxlit deb hisoblaydi. Bu haqda u Germaniya kansleri Angela Merkel bilan uchrashuv davomida o‘z Tvitterida yozdi, deya xabar berdi “Segodnya” nashri.
“Ayni paytda Ukraina misli ko‘rilmagan darajada yaxlit va o‘z tarixidagi fojiali sinovni boshidan kechirmoqda”, — deb yozdi prezident.
Keyinroq Poroshenko: “Angela Merkel Germaniyaning Ukrainani u uchun qiyin bo‘lgan vaqtda qo‘llab-quvvatlashini bildirdi”, — deb qo‘shib qo‘ydi.
Nashrning eslatishicha, Merkel Kiyevga tashrifi davomida prezident bilan uchrashuvdan tashqari, bosh vazir Arseniy Yatsenyuk hamda Kiyev, Donetsk, Lvov merlari, shuningdek qrim-tatarlar vakillari bilan uchrashuvlar o‘tkazmoqchi.
“Barcha suhbatlar diqqat markazida Ukrainadagi hozirgi vaziyat va Rossiya bilan munosabatlar bo‘ladi. Bundan tashqari, hozirgi tang holatda Ukrainani qo‘llab-quvvatlashning muayyan imkoniyatlari haqida ham gap boradi”, — deya Germaniya diplomatik vakolatxonasi xabar bergan edi.
Izoh (0)