Rossiya Yaponiyaga qarshi javob sanksiyalarini kiritdi, deya xabar bermoqda Segodnya.ua Rossiya Federatsiyasi Tashqi ishlar vazirligiga tayanib.
“22-avgust kuni Rossiya TIV rahbari o‘rinbosari I.V. Morgulov Yaponiyaning Rossiyadagi elchisi T. Xaraduni qabul qildi. Rossiya-Yaponiya munosabatlari bo‘yicha dolzarb masalalar yuzasidan fikr almashinildi. Xaraduga RFga kirish bo‘yicha cheklovlarga uchragan Yaponiya fuqarolari ro‘yxati topshirildi. U Tokioning qator Rossiya fuqarolariga viza sanksiyalari kiritilganiga javob choralari sifatida tuzildi”, — deyiladi vazirlik xabarida.
Nashrning eslatishicha, avgust oyi boshida Yaponiya Vazirlar mahkamasi Ukrainadagi vaziyat tufayli Rossiyaga nisbatan sanksiya ro‘yxatini ma’qullagan edi. Ro‘yxatga vazirlar fikricha, “bevosita Qrimning bosib olinishi va Ukrainadagi vaziyatning beqarorlashishiga aloqador bo‘lgan 40 kishi, jumladan Ukraina sobiq prezidenti Viktor Yanukovich va Qrim rahbariyati vakillari kirdi. Ro‘yxatdan shuningdek, Qrimning “Chernomorneftgaz” va “Feodosiya” kompaniyalari ham o‘rin oldi.
Izoh (0)