Украина президенти Пётр Порошенко Украинани ҳар қачонгидан ҳам яхлит деб ҳисоблайди. Бу ҳақда у Германия канцлери Ангела Меркель билан учрашув давомида ўз Твиттерида ёзди, дея хабар берди «Сегодня» нашри.
«Айни пайтда Украина мисли кўрилмаган даражада яхлит ва ўз тарихидаги фожиали синовни бошидан кечирмоқда», — деб ёзди президент.
Кейинроқ Порошенко: «Ангела Меркель Германиянинг Украинани у учун қийин бўлган вақтда қўллаб-қувватлашини билдирди», — деб қўшиб қўйди.
Нашрнинг эслатишича, Меркель Киевга ташрифи давомида президент билан учрашувдан ташқари, бош вазир Арсений Яценюк ҳамда Киев, Донецк, Львов мэрлари, шунингдек қрим-татарлар вакиллари билан учрашувлар ўтказмоқчи.
«Барча суҳбатлар диққат марказида Украинадаги ҳозирги вазият ва Россия билан муносабатлар бўлади. Бундан ташқари, ҳозирги танг ҳолатда Украинани қўллаб-қувватлашнинг муайян имкониятлари ҳақида ҳам гап боради», — дея Германия дипломатик ваколатхонаси хабар берган эди.
Изоҳ (0)