To‘qqiz yoshli bola timsoh og‘zidan qutulib tirik qoldi, deya xabar berdi “RIA Novosti” .
Hujum AQShning Florida shtatidagi Toxo ko‘lida sodir bo‘ldi. Velosiped uchib yurgan bolakay taqiqlangan hududda to‘xtab, ko‘lda cho‘milib olmoqchi bo‘ladi.
Bolaning bobosi aytib berishicha, do‘stlari bilan qirg‘oqda cho‘milish paytida to‘satdan unga timsoh hujum qilib, bel tomonidan tishlab oladi.
“Biz unining qichqirig‘ini eshitdik, u qirg‘oqqa talpinar va yig‘lar edi”, — deya qo‘shib qo‘ydi do‘stlaridan biri.
“Avvaliga o‘rtoqlarimdan biri meni itarayapti, deb o‘yladim, — dedi bolaning o‘zi. — Keyin uning jag‘ va tishlarini his qildim. Darhol o‘zimga kelib, uni bir necha marta urdim va jag‘ini sal ochishga muvaffaq bo‘ldim”.
Bolakay kichik jarohatlar bilan o‘limdan qutulib qoldi. Uning tanasida yirtqichning tish va tirnoqlaridan 30 ta iz qolgan. Shuningdek, uning terisida timsohning bitta tishi ham qolib ketgan.
Shtat hukumati ta’kidlashicha, timsoh taxminan 2,75 metr uzunlikda bo‘lib, og‘irligi 300 kilogrammchani tashkil qilgan. Ayni paytda plyaj tashrifchilar uchun yopilgan, xavfli jonzotni tutish ishlari olib borilmoqda.
Izoh (0)