8-avgust, juma kuni Ukraina sharqida janglar davom etdi. Kechga yaqin Donbass batalyonining Facebook sahifasida Ukraina armiyasi va ko‘ngillilar otryadi Donetsk yaqinidagi Marinka shahrini nazorat ostiga olgani haqida xabarlar paydo bo‘ldi, deb yozadi Euronews.
Bu vaqtda esa BMT Xavfsizlik kengashida Ukraina doimiy vakili o‘rinbosari Aleksandr Pavlichenko “tinchlikparvar operatsiyalar niqobi ostida Rossiya qo‘shinlaridan keng ko‘lamdagi hujumlarni kutishga jiddiy asoslar borligi”ni ma’lum qildi.
AQSh doimiy vakili Samanta Pauer Rossiyani ayirmachilarga qurol yetkazib berishda aybladi. “Rossiyaning Ukraina hududiga har qanday bir tomonlama aralashuvi, xoh u gumanitar yordam berish bahonasida bo‘lsin, butunlay nomaqbul deb topiladi va jiddiy trevoga keltirib chiqaradi. Bundan tashqari, u Ukrainaga bostirib kirish deb baholanadi”, — dedi u.
Izoh (0)