Тўққиз ёшли бола тимсоҳ оғзидан қутулиб тирик қолди, дея хабар берди «РИА Новости» .
Ҳужум АҚШнинг Флорида штатидаги Тохо кўлида содир бўлди. Велосипед учиб юрган болакай тақиқланган ҳудудда тўхтаб, кўлда чўмилиб олмоқчи бўлади.
Боланинг бобоси айтиб беришича, дўстлари билан қирғоқда чўмилиш пайтида тўсатдан унга тимсоҳ ҳужум қилиб, бел томонидан тишлаб олади.
«Биз унининг қичқириғини эшитдик, у қирғоққа талпинар ва йиғлар эди», — дея қўшиб қўйди дўстларидан бири.
«Аввалига ўртоқларимдан бири мени итараяпти, деб ўйладим, — деди боланинг ўзи. — Кейин унинг жағ ва тишларини ҳис қилдим. Дарҳол ўзимга келиб, уни бир неча марта урдим ва жағини сал очишга муваффақ бўлдим».
Болакай кичик жароҳатлар билан ўлимдан қутулиб қолди. Унинг танасида йиртқичнинг тиш ва тирноқларидан 30 та из қолган. Шунингдек, унинг терисида тимсоҳнинг битта тиши ҳам қолиб кетган.
Штат ҳукумати таъкидлашича, тимсоҳ тахминан 2,75 метр узунликда бўлиб, оғирлиги 300 килограммчани ташкил қилган. Айни пайтда пляж ташрифчилар учун ёпилган, хавфли жонзотни тутиш ишлари олиб борилмоқда.
Изоҳ (0)