Niderlandiyada 17-iyul kuni Donetsk viloyatida halokatga uchragan Malayziya “Boing”ining 23 nafar qurbonlari shaxsi aniqlandi. Bu haqda Niderlandiya xavfsizlik va adliya vazirligiga tayanib, “ITAR-TASS” xabar berdi.
“So‘nggi hafta mobaynida ‘Boing’ning 21 yo‘lovchisi shaxsi aniqlandi. Ularning 16 nafari Niderlandiya fuqarolari, 2 nafari Malayziya fuqarolari, shuningdek Germaniya, Kanada va Britaniya fuqarolaridir”, — dedi idora vakillari.
Avvalroq ikki kishining jasadi identifikatsiya qilingan bo‘lib, ular niderlandiyaliklar bo‘lib chiqqan.
Yo‘lovchilar shaxsini aniqlash jarayoni Niderlandiyaning Xilversyum shahri yaqinidagi harbiy bazada tashkil qilingan. Unda 200 nafar xalqaro ekspertlar faoliyat olib bormoqda. Ular jarayonni yakunlash uchun bir necha oy vaqt ketishini aytmoqda. OAV har haftada identifikatsiya jarayoniga tegishli yangiliklarni olib turibdi.
Malaysian Airlines kompaniyasi “Boing”i 17-iyul kuni Ukrainaning Donetsk viloyatida halokatga uchradi. Bortda bo‘lgan 298 kishi nobud bo‘ldi. Yo‘lovchilarning katta qismi — 194 kishi Niderlandiya fuqarolari bo‘lgan.
Izoh (0)