Yevropa Kengashi Parlament assambleyasining o‘lim jazosini bekor qilish bo‘yicha bosh ma’ruzachisi Mariyetta Karamanli (Fransiya) AQShning Arizona shtatida o‘tkazilgan 55 yoshli Jozef Vud ismli jinoyatchining qatl jarayoniga nisbatan norozilik bildirdi. Bu haqda “ITAR-TASS” xabar berdi.
“AQSh Yevropa Kengashida kuzatuvchi bo‘lib, qonun ustuvorligi va inson huquqlariga rioya qilish haqidagi umumiy tamoyillarimizga sherik bo‘la turib, bunday shafqatsiz munosabatlarga yo‘l qo‘yib berishda davom etmoqda”, — dedi u.
Eslatib o‘tamiz, sevgan qizi va uning otasini o‘ldirgani uchun sudlangan 55 yoshli Vudni qatl qilish jarayoni mahalliy vaqt bilan 13:52 da boshlangan. 15:49 dagina u o‘lgan deb qayd etilgan. Shu vaqt ichida uning advokatlari ariza orqali jarayonni to‘xtatish va zaharga qarshi dori berishga erishmoqchi bo‘lishdi.
Arizada mahbusning og‘riqsiz qatl bo‘yicha konstitutsion huquqi buzilgani ham qo‘shimcha qilindi.
Arizona shtati gubernatori Jen Bryuyer tegishli organlarga to‘liq tekshiruv o‘tkazishni buyurdi, biroq u qatl jarayoni adolatli va qonuniy o‘tganini ta’kidladi.
Izoh (0)