Isroil armiyasining hujumlari davom etayotgan G‘azo sektorida payshanba kunining o‘zida 23 nafar falastinliklar, jumladan olti nafar bola halok bo‘ldi. Harbiy operatsiya anklavning jami 718 fuqarosi umriga zomin bo‘ldi. Bu haqda mahalliy shifokorlarga tayanib, “RIA Novosti” xabar berdi.
Yaralangan falastinliklar soni esa 4,5 mingtani tashkil qildi. Isroil tomonida 35 kishi, jumladan 32 nafar askar va ofitser halok bo‘lgan.
7-iyuldan Isroil Falastinning HAMAS radikal guruhi nazorati ostidagi G‘azo sektoridan Isroil shaharlarining raketa o‘qlariga tutilishini to‘xtatish maqsadida “Mudofaa chizig‘i” operatsiyasini olib bormoqda. 20-iyulda Isroil armiyasi harbiy operatsiyaning quruqlikdagi bosqichini kengaytirdi.
22-iyul kuni arab davlatlari ligasi rahbari Nabil al-Arabiy HAMASni Misrning G‘azo va Isroilda jangovar harakatlarni to‘xtatish haqidagi taklifini qabul qilishga chaqirgan edi.
Biroq Falastinning HAMAS tashkiloti Isroil bilan yarashishdan bosh tortdi.
Izoh (0)