Liviya sharqida may oyida radikal ekstremistlarga qarshi urush e’lon qilgan iste’fodagi general Xalif Xaftarga suiqasd uyushtirildi. Bu haqda “ITAR-TASS” xabar berdi.
Arab telekanallarining ma’lum qilishicha, xudkush terrorchi Abyar shahridagi harbiy qo‘mondon bosh qarorgohi yaqinida minalangan avtomobilni portlatib yuborgan.
Hujum natijasida besh kishi halok bo‘lgan. Xaftarga ziyon yetmagan. Biroq ba’zi Liviya OAVlari uning ham yengil jarohat olgani haqida xabar bergan.
Xaftar 16-may kuni Bengazi shahrida aqidaparast guruhlarga qarshi “Liviya qadr-qimmati” harbiy operatsiyasini boshlagan. Uni ko‘plab armiya tuzilmalari, sobiq inqilobchilarning yarim rasmiy qurollangan otryadlari, qator siyosatchilar, mahalliy qabilalar qo‘llab-quvvatlagan.
Umummilliy kongress spikeri ushbu xatti-harakatlarni “davlatni to‘ntarishga urinish” deb atagan va ularning barchasi sudlanishini va’da qilgan edi. General esa “legitimligini yo‘qotgan” parlamentni va ular tomonidan tasdiqlangan Ahmad Maytig rahbarligidagi hukumatni tan olmasligini bir necha marta ta’kidlagan.
Izoh (0)