Ukraina armiyasining Donetsk viloyatidagi maxsus bo‘linmasi tongda Slavyanskka hujum qildi. Shahar markazi ostonalarida urush bormoqda. “Komsomolskaya pravda” muxbirlarining guvohlik berishicha, operatsiya aviatsiya himoyasi ostida o‘tkazilmoqda, zambaraklar portlashi, avtomatlar otishmalari eshitilmoqda.
Toshkent vaqti bilan 6:40 da Slavyansk ustida harbiy vertolyotlar paydo bo‘lgan va shaharda avtomatik qurollar, zirhli mashinalar orqali otishmalar boshlangan.
Tasdiqlanmagan ma’lumotlarga ko‘ra, ukrain qo‘shinlari Slavyansk teleminorasini egallab olgan. Barrikadalar yoqib yuborilgan va shahar atrofidagi blok postlariga hujum uyushtirilgan.
Maxsus bo‘linmalar shaharning Ukraina xavfsizlik xizmati mahalliy boshqarmasi joylashgan qismiga qarab ketmoqda.
Shahar to‘liq to‘silgan, uning atrofini piyodalar o‘rab olgan, osmonda esa 20 tacha vertolyot uchib yuribdi.
Nashrning eslatishicha, Kiyev hukumati UXXga isyonchi hududlarda 3-mayga qadar “har qanday yo‘l bilan” nazoratni qo‘lga olish haqida buyruq bergan. Maxsus operatsiyani UXX rahbari Valentin Nalivaychenko boshqarmoqda, ushbu vazifa unga “muvaffaqiyatsiz o‘tgan birinchi bosqich”dan keyin IIV rahbari tomonidan topshirilgan.
Izoh (0)