Украина армияси Славянскка ҳужум қилди
Украина армиясининг Донецк вилоятидаги махсус бўлинмаси тонгда Славянскка ҳужум қилди. Шаҳар маркази остоналарида уруш бормоқда. «Комсомольская правда» мухбирларининг гувоҳлик беришича, операция авиация ҳимояси остида ўтказилмоқда, замбараклар портлаши, автоматлар отишмалари эшитилмоқда.
Тошкент вақти билан 6:40 да Славянск устида ҳарбий вертолётлар пайдо бўлган ва шаҳарда автоматик қуроллар, зирҳли машиналар орқали отишмалар бошланган.
Тасдиқланмаган маълумотларга кўра, украин қўшинлари Славянск телеминорасини эгаллаб олган. Баррикадалар ёқиб юборилган ва шаҳар атрофидаги блок постларига ҳужум уюштирилган.
Махсус бўлинмалар шаҳарнинг Украина хавфсизлик хизмати маҳаллий бошқармаси жойлашган қисмига қараб кетмоқда.
Шаҳар тўлиқ тўсилган, унинг атрофини пиёдалар ўраб олган, осмонда эса 20 тача вертолёт учиб юрибди.
Нашрнинг эслатишича, Киев ҳукумати УХХга исёнчи ҳудудларда 3 майга қадар «ҳар қандай йўл билан» назоратни қўлга олиш ҳақида буйруқ берган. Махсус операцияни УХХ раҳбари Валентин Наливайченко бошқармоқда, ушбу вазифа унга «муваффақиятсиз ўтган биринчи босқич»дан кейин ИИВ раҳбари томонидан топширилган.
