Kanada Qora dengizga soqchi kemasini jo‘natadi

Kanada bosh vaziri Stiven Xarper HMCS Regina soqchi kemasi Arab dengizidagi o‘rnini tark etib, NATOning Ukrainadagi missiyasiga qo‘shilishini ma’lum qildi, deya xabar berdi “RIA Novosti”.

“Kanada NATO rahbariyati va ittifoqdoshlari bilan HMCS Regina’dan qay tarzda foydalanish masalasini aniqlashtirmoqda”, — dedi Xarper. U kemaning qachon Arab dengizidan chiqib, NATO flotiga qo‘shilishi hozircha noma’lumligini qo‘shimcha qildi.

HMCS Regina 2001-yil Nyu-York va Vashingtondagi teraktlardan keyin Arab dengizi, Aden ko‘rfazi va Hind okeaniga joylashtirilgan Kanada aksilterrorchilik flotiliyasi tarkibiga kiradi.