Rossiyalik alpinistlar Himolay tog‘iga chiqish vaqtida halok bo‘ldi

Rossiyalik alpinistlar Viktor Igolkin va Pavel Ivanovskiy Nepalda Himolay tog‘laridagi Ama-Dablam cho‘qqisiga chiqish vaqtida vafot etishdi. Bu haqda The Himalayan Times gazetasi xabar berdi.

Taxmin qilinishicha, sayyohlar yuqori balandlikda havo tarkibida kislorod yetishmasligi bilan bog‘liq tog‘ kasalligidan  ko‘z yumgan. 47 yoshli Viktor Igolkin 29-aprel, seshanba kuni, 63 yoshli Pavel Ivanovskiy esa bir kun keyin 4,9 ming metr balandlikdagi lagerda vafot etgan. Rossiyaliklarning murdalari Katmanduga yuborildi, u yerda o‘limning aniq sababi o‘rganiladi.

Amu-Dablamning asosiy cho‘qqisi 6812 metr, pastki cho‘qqisi 5563 metr balandlikda joylashgan. Cho‘qqi Nepalda xorijlik sayyohlar orasida eng mashhurlaridan biri hisoblanadi.