AQShliklar Bushlar va Klintonlar oilasidan chiqqan prezidentlardan bezor bo‘lgani ma’lum bo‘ldi

Amerikaliklar siyosiy Olimp tepasida bir xil ism-shariflarni ko‘rishdan bezor bo‘ldi. Bu Wall Street Journal gazetasi ba NBC telekompaniyasi tomonidan o‘tkazilgan so‘rovda ma’lum bo‘ldi. Unda amerikaliklar yangi prezidentning Klintonlar yoki Bushlar avlodidan bo‘lishini istamasliklarini bildirdi. Bu haqda “ITAR-TASS” ma’lum qildi.

AQSh sobiq prezidentlarining xotini va onasi Barbara Bush yaqinda o‘g‘li Jebning 2016-yilgi prezident saylovlarida ishtirok etish ehtimoli haqidagi savolga javob berarkan, “Amerika — buyuk davlat, yuqori lavozimlar uchun kurashda ishtirok etish uchun ikki-uchta oiladan boshqasini topa olmasligimiz ahmoqgarchilikdir”, — dedi. Yana bir intervyuda esa ochiqdan–ochiq “Bushlardan bezor bo‘ldik!” — deya ta’kidlagan edi.

So‘rovnoma tashkilotchilari ishtirokchilardan uning aynan shu so‘zlariga munosabat bildirishini so‘radi, bunda kontekstga Klintonlar oilasi ham kiritildi. So‘ralganlarning 69 foizi Barbara Bush gaplariga qo‘shilgan bo‘lsa, 25 foizi qarshi chiqdi.

Bundan tashqari, so‘rov ishtirokchilarining 48 foizi Xillari Klinton haqida ijobiy fikrda, 32 foizi aksincha. Mashhurlikda undan ancha orqada bo‘lib chiqqan Jeb Bushga esa 32 foiz ishtirokchilar salbiy fikr bildirgan, 21 foizi qo‘llab-quvvatlagan.