Туркиялик таниқли актёрлар Ҳалит Эргенч ва Ризо Кожаўғли, шунингдек, уларнинг менежери Айше Барим Истанбулдаги Гези паркида бўлиб ўтган норозилик намойишлари билан боғлиқ воқеаларни тергов қилиш доирасида ёлғон кўрсатма берганликда айбли деб топилди, деб хабар беради Оху.Аз Haber Global’га таяниб.
Суд қарорига кўра, Ҳ.Эргенч 1 йил 10 ой ва 15 кун, Р.Кожаўғли эса 1 йил 8 ойга озодликдан маҳрум этилди.
Бироқ ҳукм ижроси кечиктирилди, бу айбланувчиларга нисбатан маълум шартларда қарорни ўзгартириш имкониятини англатади.
Таъкидлаш жоизки, Ҳалит Эргенч “Минг бир кеча”, “Муҳташам юз йил”, “Сен менинг ватанимсан”, “Қизил Истанбул”, “Бобил” ва бошқа лойиҳаларда асосий ролларни ижро этган. 2015 йилда у Озарбайжонда суратга олинган “Али ва Нино” романининг экранлаштирилишида иштирок этган.
Ризо Кожаўғли “Чуқур”, “Кузей Гуней” ва “Ёрқин олов” сериалларидаги роллари билан танилган. Шунингдек, у “10 кун яхши инсон”, “10 кун ёмон инсон” ва “Қопқон” фильмларида суратга тушган.
Изоҳ (0)