Бурак Ўзчивит, Мерьем Узерли ва фақат битта роли билан томошабинларнинг ёдида қолган бошқа машҳур турк актёрлари (фото)

Актёр сифатида ишлаш жуда қийин, чунки ҳар доим катта ҳажмдаги матнларни ёдлаш ва образга кўникиш керак. Ўз ролини маҳорат билан ижро этган актёрлар фақат битта роли билан томошабинларнинг ёдида қолади ва улар иштирокидаги бошқа лойиҳалар мухлисларнинг эътиборидан четда қолади. The Girl нашри шу каби машҳурлар ҳақида маълумот берди.

Мерьем Узерли — “Муҳташам юз йил” сериалидаги Хуррам Султон

Мерьем Узерли “Муҳташам юз йил” тарихий лойиҳасидаги ролидан сўнг турк сериалларининг ёрқин юлдузларидан бирига айланди. Бироқ катта шуҳрат катта масъулият билан бирга келди. Актриса суратга олиш жараёнлари тугашидан олдин актёрлар таркибини тарк этган бўлса ҳам, ҳалигача Хуррам Султон роли билан эсланади. Актриса ушбу сериалда рол ижро этганидан кейин кўплаб машҳур сериаллар ва кинокартиналардан таклиф олди ва “Асал уяси” драмасида суратга тушди.

Каан Урганжиўғлу — “Севги изтироби” сериалидаги Амир

“Севги изтироби” сералидаги Амир роли Каан Урганжиўғлу учун ҳам шон-шуҳрат, ҳам томошабинларнинг нафратини олиб келди. Ниҳон ва Камол жуфтлигининг содиқ мухлислари уларнинг бирга бўла олмаслигида актёрни айблади. Шу пайтгача драматик севги ҳикояси ҳақидаги сериални томоша қилган ҳар бир киши актёрнинг янги ролларига кўника олмайди. Актёр келишган, меҳрибон ва ёқимтой йигитларнинг ролини ўйнаса ҳам, улар барибир Каанни “Севги изтироби” сериалидаги ёмон қаҳрамон сифатида кўради.

Ҳалит Эргенч — “Муҳташам юз йил” сериалидаги Султон Сулаймон

“Муҳташам юз йил” сериалида бош роллардан бирини гавдалантирган актёр Ҳалит Эргенч ҳам сериалдаги партнёри Мерем Узерли каби биргина рол билан томошабинларнинг ёдида қолган. Фақатгина актёрнинг содиқ мухлислари унинг иштирокидаги яна бир нечта сериалларни эслаши мумкин.

Бурак Ўзчивит — “Севги изтироби” сериалидаги Камол

Кўплаб томошабинлар турк актёри Бурак Ўзчивитни “Муҳташам юз йил” сериалидаги Бали Бей ва “Севги изтироби” сериалидаги Камол роллари билан эслашади. Бироқ Буракнинг “Жонимни бераман” фильмида ва “Кичик сирлар”, “Усмон: Қурилиш” сериалларидаги роли томошабинларнинг эътиборидан четда қолмаган.

Мелиса Донгел — “Эшигимни қоқ” сериалидаги Жерен образи

Мелиса Донгел “Севги. Мантиқ. Интиқом” сериалида ҳам суратга тушган, бироқ томошабинлар уни “Эшигимни қоқ” сериалидаги роли билан танийди. Актриса турк киносини муваффақиятли забт этди, бироқ кўпчилик учун Жерен бўлиб қолди. Мелиса бу образни номидан ўчириши учун имконият бор, у ҳозирги ролидан ҳам яхшироқ қаҳрамонни гавдалантириши керак.

Жан Яман — “Эртаки қуш” сериалидаги Жан

Жан Яманни турк сериаллари оламида ҳақиқий қуёш нурига қиёслаш мумкин. Кўпчилик актёрни “Эртаки қуш” сериалидаги роли билан эслайди. Актёрнинг ўзи ҳам уни шу рол билан эслашларига кўникиб қолган. Унинг лойиҳадаги қаҳрамони ҳам актёрнинг феъл-атворини ўзида мужассам этади. Умуман олганда, актёрнинг ўзи билан қаҳрамонини фарқлаш қийин. Актёр Италияга кўчиб ўтгандан сўнг, чет элдаги лойиҳаларда суратга туша бошлади. У ерда суратга олинган лойиҳалар эса “Эртаки қуш” каби талабгир эмас.

Элчин Сангу — “Ижарага олинган севги” сериалидаги Дефне роли

“Ижарага олинган севги” лойиҳасида суратга тушиш Элчин учун машҳурлик оламига ҳақиқий чипта бўлди. Афсуски, унинг кейинги лойиҳалари муваффақиятсиз бўлгани ва унчалик юқори баҳоланмагани сабабли томошабинлар уни фақат Дефне роли учун эслашади.