Ўзбекистон ва Буюк Британия ҳамкорлик дастури имзоланди. Бу ҳақда Бахтиёр Саидов ўз саҳифасида маълум қилди.
Унга кўра, Лондон шаҳрида ташқи ишлар вазири Бахтиёр Саидов Буюк Британия ташқи ишлар вазири Девид Лемми билан учрашув ўтказди. Томонлар Ўзбекистон ва Буюк Британия ўртасидаги дўстона муносабатлар изчил ривожланиб бораётганини таъкидлаб, 2025 йилга мўлжалланган кенг ва истиқболли кун тартибини атрофлича муҳокама қилди.
Учрашув давомида савдо, инвестиция, маданий-гуманитар соҳалар ҳамда глобал чақириқларга қарши ҳамкорликни қамраб олган йўналишлар бўйича фикр алмашилди. Томонлар ўзаро фаровонлик ва барқарорлик йўлида умумий интилишларини яна бир бор тасдиқлади.
Ташриф доирасида Ўзбекистон ва Буюк Британия ташқи сиёсат идоралари ўртасида 2025–2026 йилларга мўлжалланган ҳамкорлик дастури имзоланди. Учрашув илиқ ва конструктив руҳда ўтди.
Буюк Британия Ўзбекистоннинг Жаҳон савдо ташкилотига аъзо бўлиш жараёнини тўлиқ қўллаб-қувватлашини тасдиқлаган эди. Шунингдек, Буюк Британия консорсиуми Ўзбекистонда транспорт ва энергетика соҳаларидаги лойиҳаларни амалга ошириши хабар қилинганди.
Изоҳ (0)