“Ньюкасл” ва Бразилия терма жамоаси ярим ҳимоячиси Бруну Гимараеш фаолиятини Саудия Арабистони Про Лигасида давом эттириши мумкин. Бу ҳақда ESPN нашри хабар берди.
Манбага кўра, 26 ёшли футболчига жиддий тарзда қизиқиш билдираётган клуб бу — “Ал-Иттиҳод”. Саудияликлар Гимараешни ёзги трансферлар ойнаси вақтида жамоага олиб келишга ҳамда унинг учун 120 миллион евро тўлашга тайёр. Ҳозирда жиддаликлар футболчининг агентлари билан музокарага киришган.
Шунингдек, унинг атрофидаги вазиятни Саудия Арабистонининг бошқа гранди — “Ал-Ҳилол” ҳам кузатиб турибди. Бироқ Гимараеш “Ал-Ҳилол” учун иккинчи вариант сифатида кўрилаётгани айтилмоқда. Агар риёдликлар “Манчестер Юнайтед” сардори Бруну Фернандешни қўлга кирита олмаса, бразилиялик футболчи учун ҳаракат қилиб кўради.
Гимараеш жорий мавсумда “Ньюкасл” ва Бразилия термаси сафида жами 53 ўйинда майдонга тушди, 5 та гол ва 9 та голли узатмага муаллифлик қилди. 26 ёшли ярим ҳимоячининг “қарғалар” билан шартномаси 2028 йилнинг ёзигача амал қилади. Transfermarkt портали бразилияликнинг қийматини 80 миллион еврога баҳоламоқда.
Изоҳ (0)