Ўзбекистонда 20 майдан бошлаб ҳаво ҳарорати яна кўтарилиши кутилмоқда.
“Ўзгидромет” прогнозларига кўра, 19 май, душанба куни Ўзбекистон бўйича 28-33 даража, жанубда 35 даражагача бўлган қулай ҳарорат фонида об-ҳаво кам булутли ва қуруқ бўлиши кутилмоқда.
Сешанбадан ҳаво ҳарорати кўтарила бошлайди ва ҳафта ўртасида кундуз кунлари ҳаво 35-38 даражагача, жанубда ва чўл ҳудудларда 40-42 даражагача исийди.
Иш ҳафтасининг охирига келиб, салқин ҳавонинг яна бир қисми кириб келиши ҳисобига ҳарорат 30-32 даражагача пасаяди.
Республика бўйича баъзи жойларда шамол тезлиги 13-18 метр/секундгача кучайиши, чанг-тўзон билан кузатилиши кутилмоқда. 22—23 майда айрим жойларда шамол тезлиги 20-22 метр/секундгача кучайиши мумкин.
Тоғолди ва тоғли ҳудудларда 22—23 май кунлари қисқа муддатли ёмғир ёғиши, момақалдироқ бўлиши мумкин.
Тошкентда 19—23 май кунлари ҳаво бир оз булутли, вақти-вақти билан ўзгарувчан бўлади, ёғингарчилик кутилмайди. 19 май куни кундузи ҳарорат 28-30 даража бўлади, 20—22 майда аста-секин 35-38 даражагача кўтарилади, 23 майда 30-32 даража бўлади. 22—23 майда шамол тезлиги 12-15 метр/секундгача кучайиши, баъзи жойларда чанг-тўзон кузатилиши мумкин.
Изоҳ (0)