Европа иттифоқи Ливанга 30 миллион евро миқдорида қўшимча гуманитар ёрдам беради. Бу ҳақда Еврокомиссиянинг “Х” ижтимоий тармоғидаги хабарида айтилган.
“Ҳизбуллоҳ ва Исроил ўртасидаги можаро авж олишда давом этар экан, Европа комиссияси бугун Ливандаги энг муҳтож инсонларга ёрдам бериш учун қўшимча 30 миллион евролик гуманитар ёрдамини эълон қилди”, дейилади хабарда.
Европа иттифоқининг қўшимча қилишича, жами 2024 йилда Европа иттифоқи Ливанга 104 миллион евро миқдорида гуманитар ёрдам ажратган.
Исроил мудофаа армияси 30 сентябрь куни тунда Ливан билан чегарада қуруқликдаги операция бошланганини эълон қилган.
Яҳудий армияси баёнотига кўра, Ливан жанубидаги чегара зонасидаги “Ҳизбуллоҳ” гуруҳининг объектларига қаратилган “чекланган операция” бошланган.
Аввалроқ БМТ Ливандаги гуманитар инқирозни бартараф этиш учун 400 миллион доллардан кўпроқ маблағ кераклигини маълум қилганди.
Изоҳ (0)