Бирлашган Миллатлар Ташкилоти бош котиби Антониу Гутерриш Исроил ва Ливан чегарасида жанговар ҳаракатларни тўхтатишга ва “ўт билан ўйнашишни” бас қилишга чақирди.
“Чегара бўйлаб кунлик ўт очилишидан жиддий хавотирдаман. Бу ҳаракатлар Исроил ва Ливан ўртасида кескинликни кучайтириб, минтақавий барқарорликка жиддий таъсир қилиши мумкин”, — деди Гутерриш журналистларга.
Унинг сўзларига кўра, Исроил шимоли ва Ливан жанубидаги ўн минглаб одамлар жанглар натижасида ўз уйларини тарк этишга мажбур бўлган.
“Мен содир бўлаётган воқеалардан қаттиқ хавотирдаман. Мен барча томонларга оддий ва очиқ хабарни етказишим керак: “Чегарада ўт билан ўйнашишни тўхтатинг, Хавфсизлик Кенгашининг 1701-резолюциясига мувофиқ кескинликни пасайтиринг ва ҳарбий ҳаракатларни тўхтатинг”, — дея таъкидлади бош котиб.
Изоҳ (0)