Футбол бўйича Осиё Кубоги гуруҳ босқичининг 3-туридан ўрин олган ўйинлар 22 январь, душанба куни бўлиб ўтди.
А гуруҳида Қатар Хитойга қарши баҳс олиб бориб, 1:0 ҳисобида мағлуб этди. Учрашувдаги ягона гол Ҳассан ал-Ҳайдос ҳисобига ёзилди.
Гуруҳнинг иккинчи ўйинида Тожикистон Ливанга қарши майдонга тушди. Биринчи бўлимда дарвозалар дахлсизлиги сақланиб қолди. Иккинчи бўлим бошида эса Ливан гол урди. Бассел Жради рақиб дарвозасини ишғол қилди. 56-дақиқада эса Ливан футболчиси Кассем эл-Зеин қизил карточка олиб, майдонни тарк этди.
Қолган дақиқаларда терма жамоа бир киши кам бўлиб ҳаракат қилди. Шундан сўнг Тожикистон кетма-кет иккита гол урди. Дастлаб, 80-дақиқада Парвизжон Умарбаев ўз номини таблога ёздирган бўлса, ўйин охирида Нуриддин Ҳамроқулов жамоасига ғалаба келтирувчи гол муаллифига айланди.
Шу тариқа А гуруҳида баҳслар якунланди. 3 турдан сўнг турнир жадвали қуйидагича кўриниш олди:
Осиё Кубоги
3-тур баҳслари
22 январь, душанба
Қатар — Хитой 1:0
Гол: 1:0 – 66 Ал-Ҳайдос.
Тожикистон — Ливан 2:1
Голлар: 0:1 – 47 Жради, 1:1 – 80 Умарбаев, 2:1 – 90 Ҳамроқулов.
Изоҳ (0)