Исроил бош вазири Биньямин Нетаньяху “Ҳизбуллоҳ” урушга киришса, Ливан Ғазо тақдирини бошдан кечиришини айтди. Бу ҳақда “РИА Новости” хабар берди.
Агар “Ҳизбуллоҳ” кенг кўламли уруш бошлашга қарор қилса, у ўз қўллари билан Байрут ва Жанубий Ливанни Ғазо ва Хон Юнисга айлантиради”, — деди Исроил бош вазири.
Нетаняху тегишли баёнотни Исроил шимолига ташриф давомида эълон қилди. Ташрифда унга мудофаа вазири Йоав Галант ва Исроил армияси бош штаби раҳбари Герзи Ҳалеви ҳамроҳлик қилди. Улар Ливан чегарасидаги хавфсизлик ҳолатини баҳолаб, ҳудудда хизмат қилаётган пиёда ва артиллерия бўлинмаларининг захирадаги аскарлари билан суҳбатлашди.
Бу каби баёнот аввалроқ Исроил мудофаа вазири томонидан янграганди. Жумладан, Йоав Галант “Ҳизбуллоҳ”нинг урушга кириши ортидан ливанликлар Ғазо сектори аҳолиси билан бир хил вазиятга тушиб қолишини айтганди.
Ливан фуқароларига мурожаат қиламан: Ғазода қирғоқ бўйлаб оқ байроқлар билан юриб, жанубга қараб ҳаракат қилаётган фуқароларни кўрмоқдаман. “Ҳизбуллоҳ” ҳаракати ҳам хатога йўл қўйиб, Ливанни урушга торца, ливанликлар ҳам худди шундай вазиятга тушиб қолиши мумкин. Агар “Ҳизбуллоҳ” шундай хатога йўл қўйса, бунинг учун биринчи навбатда Ливан фуқаролари товон тўлаши керак бўлади. Ғазода қилганимизни Байрутда ҳам қандай қилишни биламиз, — деган у.
Ливан-Исроил чегарасида Исроил армияси ва “Ҳизбуллоҳ” ўртасида тўқнашувлар 8 октябрь куни бошланган.
Изоҳ (0)