Россия ташқи ишлар вазири Сергей Лавров АҚШ билан Украина бўйича “келишув”га тайёр эканликларини эълон қилди. Аммо “ушбу келишувнинг қайта кўриб чиқилиши керак бўлган баъзи элементлари” бор. Бу ҳақда CBS хабар берди.
Лавров АҚШ президенти келишувнинг аниқ тафсилотларини ошкор қилмагани, шунинг учун у ҳам бу ҳақда гапирмаслигини айтди.
АҚШ президенти биз тўғри йўналишда кетаётганимизга ишонмоқда. Президентнинг баёнотида келишув ҳақида сўз боради ва биз келишувга эришишга тайёрмиз, аммо ҳали ҳам такомиллаштирилиши керак бўлган бир нечта маълум элементлар мавжуд. Биз айнан шу билан бандмиз, деди Россия ташқи ишлар вазири.
У Россия “Украинадаги вазият” бўйича Америка томони билан алоқаларни давом эттираётганини қайд этди.
Биз ҳақиқатда тўғри йўналишда кетаётганимизни кўрсатадиган бир нечта белги бор — энг аввало, президент Трамп бу вазиятнинг асл сабабларини бартараф этиш зарурлигини тан олган сайёрадаги ягона етакчи бўлиши мумкин. У Украинани НАТОга тортишга уриниш катта хато бўлганини айтди. Бу Байден маъмуриятининг хатоси эди ва у бу хатони тузатмоқчи, дея хулоса қилди Лавров.
АҚШ президенти фикрича, Украина бўйича тинчлик келишувига эришиш масаласида муайян силжиш бор. Бироқ “Украина тинчлик эвазига ҳудудининг бир қисмини беришга мажбур бўладими?” деган саволга Трамп қуйидагича жавоб берди:
Хўш, бу қайси ҳудуд экани билан боғлиқ... Биз Украина билан имконимиз борича ишлаймиз... Аммо улар аллақачон кўплаб ҳудудларини йўқотган, деган у.
Трампнинг айтишича, Россия армиясининг “Украинанинг бутун ҳудудини босиб олмагани”ни Россиянинг ён бериши сифатида баҳолаш мумкин.
♦ Украинанинг урушни тугатиш шартлари
♦ Россия шартлари
Изоҳ (0)