Латвия сейми (парламенти) депутатларга идора биносида рус тилидан фойдаланишни тақиқловчи ва уларни латиш тилида сўзлашга мажбурловчи ўзгартишларни қабул қилди. Бу ҳақда LCM портали хабар берди.
Парламент биносида депутатлар фақат давлат тили — латиш тилидан фойдаланишлари шарт. Янги қоидалар депутатларнинг ўзаро мулоқотига ҳам, фуқаролар билан алоқасига ҳам тегишлидир.
Таъкидланишича, Сейм биноларида бошқа тиллардан фойдаланиш қонунбузарлик сифатида баҳоланади.
Шунингдек, ўзгартиришга кўра тил қоидасидан ташқари, ҳужжат депутатларнинг парламент комиссиялари мажлисларида фавқулодда вазиятлар ёки бошқа алоҳида ҳолатларда масофадан туриб иштирок этиш имкониятини назарда тутади. Бундай иштирок этиш комиссия раиси билан олдиндан келишилган бўлиши лозим. Раиснинг ўзи мажлисда шахсан қатнашиши шарт.
Шунингдек, қонунга депутатларни жиноий жавобгарликка тортиш бўйича аниқликлар киритилди. Хусусан, агар жиноий иш депутат ўз лавозимига киришидан олдин бошланган бўлса ҳам, энди жиноий таъқибни давом эттириш учун Сеймнинг розилиги талаб қилинади.
Бундан ташқари, Латвия ҳукумати Россиянинг барча Telegram каналларини блоклашни истаётгани маълум бўлди. Улар бу чоранинг республика ҳудудида рус тилининг тарқалишига қарши курашиш зарурати билан изоҳламоқдалар.
Изоҳ (0)