Сўнгги ой давомида қатор давлатлар ўзбекистонликлар учун турли соҳаларда вакансиялар тақдим этмоқда. Эндиликда ўзбекистонлик мигрантлар учун анъанага айланган Россия ўрнини кўплаб етакчи мамлакатлар эгалламоқда. Эълонлар Ташқи меҳнат миграцияси агентлиги томонидан эълон қилинмоқда.
Хусусан, Германияда ўзбекистонликлар учун 50 минг бўш иш ўрни таклиф қилинмоқда. Хорижий иш берувчилар билан ҳамкорликда Германияда қуйидаги соҳа ва касбларда бўш ўринлари учун фуқароларни таклиф этилмоқда:
- ҳамшира;
- юк автомобили ҳайдовчиси;
- юк ва қишлоқ хўжалиги автомобилларига техник хизмат кўрсатиш;
- меҳмонхона;
- ресторан;
- туризм;
- ҳунармандчилик;
- мехатроника;
- қурилиш ва бошқа соҳалар.
Ойлик маоши:
- Аусбилдунг асосида ишга жалб қилиш — 1000 евродан;
- тўғридан-тўғри ишга жалб қилиш — 2000 евродан бошланади.
Германияда ушбу соҳаларда ишлаш истагидаги номзодлар учун республика ҳудудларида немис тили курсларини ташкил этиш имконияти мавжуд.
Шунингдек, илк бор Кореяга 2024 йилда ишга юбориш учун 100 минг нафар ўзбекистонлик танловларга жалб қилинади. Корея Э-9 визаси асосида қуйидаги соҳаларда хорижда ишлаш истагида бўлган Ўзбекистон фуқаролари танловларга жалб қилинади:
Изоҳ (0)