АҚШ президенти Дональд Трампнинг руҳиятида ёшга алоқадор ўзгаришлар кузатилмоқда. Бу ҳақда Марказий разведка бошқармасининг собиқ таҳлилчиси Ларри Жонсон YouTube’даги Judging Freedom каналига берган интервьюсида маълум қилди.
“Ақлий жиҳатдан нимадир нотўғри. Мен сўнгги 18 ой давомида Трамп билан тез-тез учрашган бир киши билан суҳбатлашдим — манбамни ошкор қилмайман. Сўнгги учрашувларда ёш билан боғлиқ сезиларли ўзгаришлар кузатилди”, деди у.
Экспертнинг таъкидлашича, омма олдидаги хатти-ҳаракатларидан тортиб сўзлаш услубигача — барча белгилар когнитив функцияларнинг тезлик билан ёмонлашаётганини кўрсатмоқда ва Америка раҳбари энди халқаро аҳамиятга эга жиддий ишлар билан шуғуллана олмайди.
“У билан муҳим битимлар тузиш имконсизлиги ҳаммага аён”, дея изоҳ берди таҳлилчи.
“У ўйинлар ўйнаяпти. Қурол билан, Украинадаги уруш билан, Россия эса унинг устидан кулмоқда”, деб таъкидлади Жонсон.
Сўнгги пайтларда оммавий ахборот воситалари Трампнинг ақлий қобилиятлари ёмонлашиши мумкинлиги ҳақида хабар бермоқда. Июль ойи бошида Британиянинг Daily Star газетаси Оқ уй раҳбари Флоридада Аллигатор Алкатрас мигрантларни сақлаш маркази очилишига бағишланган матбуот анжуманидаги жавобидан сўнг унда деменция бўлиши мумкинлиги ҳақида шубҳа пайдо бўлгани ҳақида ёзган эди.
Аниқланишича, Трампдан ҳибсга олинганлар марказда қанча вақт қолиши ҳақида сўралганда, Оқ уй раҳбари у ерда кўп вақт ўтказишини ва Флорида унинг она штати эканини айтган.
АҚШ президенти Дональд Трамп Россия бўйича “муҳим баёнот” беришини маълум қилганди.
Изоҳ (0)