АҚШ президенти Дональд Трамп Украинага юзлаб миллион долларлик янги қурол ва жиҳозлар етказиб бериш имкониятини кўриб чиқмоқда. Бу ҳақда Politico нашри ёзмоқда.
Нашрнинг ёзишича, ажратиладиган маблағлар Жо Байден даврида Конгресс томонидан тасдиқланган фонддан олиниши режалаштирилган. У ерда ҳали тахминан 3,8 миллиард доллар қолган. Пакетда Патриот ракеталари ва ўрта масофага мўлжалланган қуроллар бўлиши мумкин.
“Трампнинг режаси билан таниш бўлган икки кишининг сўзларига кўра, Америка президенти Украинага юзлаб миллион долларлик янги ҳарбий ёрдам пакетини кўриб чиқмоқда”, дейилади эълон қилган мақолада.
Нашр маълумотларига кўра, ҳарбий ёрдамнинг янги пакети АҚШ президенти маъмурияти ичидаги Киев режимини қўллаб-қувватлаш масаласидаги ички келишмовчиликларни яна бир бор юзага чиқаради.
NBC телеканали 4 июль куни хабар беришича, Киевга ҳарбий ёрдамни тўхтатиб туриш қарорини Пентагон раҳбари Пит Ҳегсет якка ўзи қабул қилган.
CNN телеканали эса кейинроқ маълум қилганидек, Ҳегсет бу қарори ҳақида АҚШ президенти Дональд Трампнинг маъмуриятини олдиндан хабардор қилмаган. Associated Press агентлиги ҳам Пентагон қарори Трамп учун кутилмаган бўлганини хабар қилган.
АҚШ президенти кейинроқ бу ҳарбий ёрдамни тўхтатиш бўйича қарорни ким тасдиқлагани ҳақида ўзи ҳам билмаслигини айтган эди.
Изоҳ (0)