Мексиканинг Кулиакан шаҳрида 20 нафар одамнинг жасади топилди, улардан беш нафари бошсиз бўлган. Бу ҳақда Fox News хабар берди.
Шаҳар ташқарисига олиб чиқувчи автомагистрал кўпригида осилган ҳолда тўрт жасад аниқланган. Уларнинг бошлари яқин атрофда, полиэтилен пакет ичидан топилган. Худди шу куни автомагистралда оқ фургон ичида яна 16 жасад аниқланган.
Улар ўқотар қуролдан ҳалок бўлган ва бири бошсиз бўлган. Расмийлар фургон ичидан наркокартеллардан бирига тегишли бўлиши мумкин бўлган хатни ҳам топган. Аммо унинг мазмуни ошкор қилинмаган.
Тахминан 1 миллион аҳолига эга бўлган Кулиакан шаҳри Ғарбий Мексикадаги Синалоа штатининг пойтахти ҳисобланади. Бу ерда Синалоа наркокартелининг икки рақиб гуруҳи — Лос Чапитос ва Ла Майиза — ўртасида ҳудудий назорат учун тўқнашувлар давом этмоқда.
30 июнь куни Мексика расмийлари бу даҳшатли қотилликларни қатъий қоралаган. Бироқ кўплаб синалоаликлар ҳукумат энди зўравонликни жиловлай олмаётганини таъкидлаган.
Синалоада тўлиқ тинчликни тиклаш мақсадида ҳарбий ва полиция кучлари биргаликда ишламоқда, деди ҳукумати вакили Фелисиано Кастро.
Изоҳ (0)