Мексиканинг “Монтеррей” клуби марказий ҳимоячиси Серхио Рамос жорий йилги Клублар ўртасидаги жаҳон чемпионатида кимни бош фаворит деб билишини айтди. Бу ҳақда Euro-Football нашри хабар берди.
39 ёшли испаниялик футболчи бу борада кутилганидек ўзининг собиқ жамоаси — “Реал Мадрид”ни ажратиб кўрсатди.
Клублар ўртасидаги Жаҳон чемпионатининг фаворити? Менимча, “Реал”ни ҳар доим йирик мусобақаларнинг асосий номзоди деб аташ мумкин. У — дунёдаги энг яхши жамоа, — дея Рамоснинг сўзларини келтиради Marca нашри.
Маълумот учун, Серхио Рамос “Реал Мадрид” сафида 16 йил давомида тўп сурган ва кўплаб совринларни қўлга киритган.
Мадрид жамоаси Клублар ўртасидаги жаҳон чемпионатининг илк турида Саудия Арабистонининг “Ал-Ҳилол” жамоасига қарши майдонга тушиб, 1:1 ҳисобида дуранг ўйнади.
Рамоснинг ҳозирги жамоаси — “Монтеррей” 19 июндан 20 июнга ўтар кечаси “Ривер Плейт” (Аргентина)га қарши иккинчи тур учрашувини ўтказади. Мексика клуби илк турда Италиянинг “Интер” клубига қарши майдонга тушиб, 1:1 ҳисобида дуранг ўйнаган эди. “Монтеррей”нинг ягона голига айнан Рамос муаллифлик қилди.
Изоҳ (0)