Кўпчиликнинг жавонида неча йиллардан бери кийилмайдиган жинси шим, чиройли, аммо тор бўлиб қолган кўйлаклар топилади. Аслида улар онгингиздан жой эгаллаб, ҳар куни онг остингизга сиз бўлишингиз керак бўлган инсон эмаслигингиз ҳақидаги фикрни сингдириб боради. Қуйида эски нарсаларни сақлаш нима учун хато эканини кўриб чиқамиз.
Ўзига бўлган ишончни йўқотади
Одатда жавонни очганингизда, худди ўзингиз билан гаплашгандек бўласиз. “Керак, керак, керак...”: тор кўйлак ёки севимли, аммо энди тўғри келмайдиган жинси шимга ҳар бир қараш, сиздаги камчиликни эслатиб туради, ҳозирги менингиз эса вақтинчалик ҳодиса бўлиб, у на сизга, на атрофдагиларга ёқади. Шундай қилиб, бу англанмаган босим фонида ўзингизни қабул қилиш, ўзгаришлардан қувониш ва шунчаки ҳозирги лаҳзада яшаш қийин бўлади.
Танани севишга халақит берадиган нарсалар
Тана ҳайкал эмас: у доимо ўзгариб туради ва бу мутлақо нормал ҳолат. Аммо энди сизга тўғри келмайдиган кийимлар “Мен аввалгидек эмасман” деб ўйлашга мажбур қилади. Аслида фақат сиз (ўзингизга сингдирганингиздек) аввалгидек бўлишингиз керак бўлган меъёрлар панд беради. Эсда тутинг: ўзингизни яхши кўриш — бу кийимни танага мослаштириш, танани кийимга эмас.
Янгиланишга йўл қўймайди
Агар кийим жавонининг учдан бир қисми “кейинчалик кийиладиган нарсалар” бўлса, ҳаётда ҳам шундай бўлади: кейинроқ ўзимни хурсанд қиламан, кейинроқ яшашни бошлайман. Эски кийимлар олдинга интилишга тўсқинлик қилади. Чунки “ҳозир нимани хоҳлайман?” деган савол ўрнига “яна қандай бўлишим керак?” деган фикр пайдо бўлади. Бу шундай бир айланма доираки, ундан ҳар ким ҳам чиқиб кета олмайди.
Жой эгаллайди
Кийим жавонидан ортиқча нарсаларни олиб ташласангиз, қандай енгил нафас олишингизни тасаввур қилинг. Жавонингиз тозаланади, у билан бирга фикрларингиз ҳам тиниқлашади. Гардеробни кўздан кечириш — сизни қўллаб-қувватлайдиган, безайдиган ва қувонтирадиган нарсаларнигина қолдиришнинг ажойиб имкониятидир.
Энг муҳими, ҳар бир янги кунда сиз кечагидан бошқача эканлигингизни доимо эсда тутиш керак. Сиз — бугунги кунга хос инсонсиз. Шкафингиз ҳозирги ҳаётингиз, қўллаб-қувватлаш ва севги ҳақида сўзласин. Шунда ҳар тонг уйғонганингизда “нима кийсам экан?” деган азалий саволга ўнлаб жавоб вариантларингиз бўлади.
Изоҳ (0)