Мавсумий чегирмалар — харид қилиш учун қулай вақт ҳисобланади. Кимдир қимматбаҳо блузкани сезиларли чегирма билан сотиб олиш имкониятидан фойдаланади, кимдир ҳаммаси учун арзимаган пул тўлаб, бир уюм кийим ёки косметика билан кетиш имкониятидан хурсанд бўлади. Аммо шундай нарсалар борки, уларни сотиб олиш кўпинча пулни беҳуда сарфлашга айланади. Қуйида шу ҳақда батафсилроқ тўхталамиз.
Қимматбаҳо помада
Ҳашаматли сегментдан қимматбаҳо лаб бўёғини сотиб олиш — пулни шамолга совуришнинг бир йўли. Тўғри, лаб бўёғI керакли нарса. Аммо бунинг учун жуда катта маблағ ажратганингизни сиздан ташқари ким билади? Ахир лаб бўёғининг мақсади лабларни таъкидлаш, ҳамкасблар олдида мақтаниш учун сумкадан чиқариладиган мода аксессуари бўлмаслиги керак.
Дизайнерлик жинси шимлар
Жинсилар деярли ҳар бир аёл шкафининг асосий элементидир. Жинсиларнинг жозибадорлиги тушунарли: улар қулай. Жинсилар ҳашаматли ёрлиқ билан эмас, балки мос ва сифати билан танланиши керак. Шунинг учун агар дизайнерликни ҳам, оддийроқ моделни ҳам ёқтирган бўлсангиз, иккиланманг ва арзонини олинг.
Қиммат тирноқ бўёғи
Ҳақиқат шундаки, қимматбаҳо тирноқ лаклари яратилиш технологияси жиҳатидан арзонроғидан деярли фарқ қилмайди. Маълум бўлишича, қиммат маҳсулот ва оддийроғи ўртасидаги фарқ асосан қадоқлашда бўлади.
Ҳашаматли сегментдаги шишалар янада чиройли кўринади, уларнинг чўткалари янада сифатли бўлиши мумин, аммо ранглар ва технологияларда унчалик катта фарқ йўқ.
Бир марта кийиладиган кийим
Ҳар бир аёл зудлик билан маълум бир воқеа учун бирор нарса сотиб олиши керак бўлган пайтлари бўлади: тўй, юбилей ёки зиёфат учун. Бундай кийимларни сотиб олишда ҳам оқилона муносабатда бўлишингиз керак. Ушбу гардероб буюмлари одатда бир мартадан ортиқ кийилмайди, анчагача шкафда ётади.
Оқ шим ёки оқ юбка
Уларга дарҳол “йўқ” деган маъқул. Чунки оқ шим ёки оқ юбкани тоза сақлашнинг иложи йўқ. Ҳатто энг кичик доғлар ҳам яққол кўринади. Аммо оқни яхши кўрсангиз ва бундай кийимлардан воз кечишга тайёр бўлмасангиз, унда ҳеч бўлмаганда матоларига эътибор беришингиз керак: ипак ёки зиғир толалини эмас, балки синтетика қўшилган жинси ёки пахталисини танланг.
Дизайнерлик шоперлар
Дизайнерлик сумкасига кўп пул сарфлаганингизда, унинг сифати муҳим: материал, аксессуарлар. Аммо ҳозирда тобора кўпроқ таниқли мода уйлари ўз бренди остида арзонроқ сумкаларни чиқармоқда. Машҳур логотиплар билан безатилган бўлса-да, аслида оддий шоперлигича қолади. Машҳур модалар уйидан бўлмаса ҳам, сифатли чарм сумкага пул сарфлаган маъқул.
Арзон аксессуарлар
Арзон аксессуарларни ҳатто чегирмада ҳам сотиб олмаслик керак: уларнинг металли тезда қораяди, безаклари тушиб кетади ва йўқолади. 1-2 та юқори сифатли (заргарлик буюмлари бўлиши шарт эмас) тақинчоқларнинг ўзи ҳам етади.
Ательега бериладиган нарсалар
Сизга ажойиб шимлар ёқди, лекин битта муаммо бор: улар жуда узун ва кийишдан олдин ательега бериб, ўзгартириш керак. Дарҳол сотиб ололмайдиган ва кийиб бўлмайдиган бундай нарсалар шкафингизда йиллаб ётиши мумкин.
Бир нечта тугмали ромперлар
Агар ҳожатхонага бориш учун кўплаб илгак ва тугмаларини ечишингиз керак бўлган либосингиз бўлса, ҳар куни бундай кийимни кийишингиз даргумон. Бунга комбинезон ва шимлар киради. Бировнинг ёрдамисиз бундай кийимларни ечиш ёки қайта кийишнинг илож йўқ.
Ювиб бўлмайдиган нарсалар
Блузка, кўйлак ёки шим сотиб олаётганда ёрлиқдаги тавсияларга эътибор беришни унутманг. Ювиш тақиқланган ва фақат қуруқ ҳолда тозаланиши мумкин бўлган нарсалар мавжуд. Агар уларни тез-тез кийишни режалаштирсангиз, бундай буюмлар жуда қимматга тушади. Кўпинча, бу қаттиқ матога ёки бурмали тузилишга эга бўлган қимматбаҳо табиий матолардан (ипак, жун) тайёрланган маҳсулотлар бўлади. Бундай нарсаларни сотиб олишдан олдин ижобий ва салбий томонларини ҳам диққат билан ўрганишингиз керак.
Изоҳ (0)