Ҳар бир мавсум гардеробдаги кийимларни янгилаш мумкин. Бироқ шу билан бирга, аввалги мавсумларда сотиб олинган нарсаларни «юқори жавондан чиқариш», баъзи нарсалар эса анти-трендга айланиши мумкин. Машҳур стилист, имиж бўйича мутахассис, Prо Image курси ва Erdman LAB лабораторияси яратувчиси Екатерина Эрдман мавсумда қандай кийимларни киймаслик кераклиги ҳақида маълумот берди.
Узун этиклар
Агар гардеробингизда шу каби этиклар бўлса уларни кийманг. Ушбу шаклдаги этиклар чиройли кўринишга эга эмас. Бу этиклар услуб жиҳатидан ҳам аёллар киядиган услубга мос тушмайди. Юпқа оёқлар фонида кенг тепа ва ҳажмли платформа стакандаги қаламни эслатади. Шуни ҳам таъкидлаш керакки, этикларнинг пастки қисми ҳам муҳим рол ўйнайди — думалоқ шакли услуб жиҳатидан эскирди. Ҳозирда квадрат ва учи учли моделлар урфга кирган.
Мўйнали пальто
Мўйнали ёқаси бор пальтолар бир вақтлар жуда урфда эди, бироқ ҳозир, бу пальтолар ҳар қандай кийим билан ҳам мос тушмайди. Чиройли кўринишга эга ёқалар ва манжетлар эски услубни эслатади. Кўпгина брендлар яхши сифатга эга замонавий моделларни таклиф қилади.
Белга тақиладиган сумкалар
Кетма-кет бир неча мавсум давомида бел сумкаси урфга кирди. Бироқ мода ўзгарувчан ва бу сумкалардан айрим инсонлар фойдаланаётган бўлса, ҳам ҳозирда улар урфдан қолди. Ҳаддан ташқари массив вариантлар бўлмаган жойда бу сумкалар образга мос тушмаслиги мумкин.
Сув ўтказмайдиган матолардан бўлган сумкаларнинг елкага тақиладиган варианти яхшироқ. Шаҳарга сайрга чиққанда энг мос келадиган сумкалардан бири бу — хобо сумкаси, бошқача қилиб айтганда, «тутқичли сумка» кўринишидаги сумка. Уни елкада тақиш мумкин, бу қўлларни бўшатади ва замонавий кўринишга ёрдам беради.
Сўнгги чиққан либосларни кийиб модага эътибор берасизми ёки йўқми — бу сизнинг шахсий танловингиз, чунки чиройли кўринишнинг ўзи етарли эмас, муҳими у ёки бу образда ўзингизни қандай ҳис қилишингиз.
Мавзуга доир:
Изоҳ (0)