Баъзан совуқ мавсумда имижингизни янгилашни хоҳлайсиз. Аммо бунинг учун бутун гардеробни ўзгартиришингиз шарт эмас, шунчаки бир нечта янги деталлар ёки аксессуарлар қўшинг. Бироқ кичик хатолар туфайли образ ўз ёрқинлигини йўқотиши мумкин. Бунга йўл қўймаслик учун баъзида нима нотўғри эканини олдиндан билиш фойдали бўлади.
Шапкани бостириб кийиш
Тўқилган шапка қишда жуда асқатади, совуқ шамол кўтарилиши билан уни қулоғимизгача тортиб кийиб оламиз. Бироқ образнинг замонавий элементи қилиш учун шапкани бироз тортиб, қулоқларни очиқ қолдириш мумкин. Бош кийим кийишнинг бу усули нафақат замонавий, балки соч турмагини ҳам яхши сақлайди.
Рангли пойабзалларни танлаш
Оёқ кийимининг дизайни қанчалик ёрқин ва хилма-хил бўлса, уни кийим билан мослаштириш шунчалик қийин бўлади. Шунинг учун гардеробингиздаги либослар билан яхши уйғунлашадиган ёқимли нейтрал рангларни сотиб олган маъқул.
Материал таркибига эътибор бермаслик
Бозорда синтетик материаллардан, масалан, акрилдан тайёрланган шапкаларни топишингиз мумкин. Агар мақсад бошни иссиқ тутиш бўлса, бу яхши танлов эмас. Гарчи жун маҳсулотлари яхши исица ҳам, жуда ноқулай. Бундай ҳолда қўй юнги (меринос)дан тайёрланган шапка энг маъқулидир.
Меринос юнги бошқа жун турларига қараганда анча юмшоқ ва ҳаво ўтказади. Натижада ҳарорат яхши тартибга солинади ва ҳидланишнинг олдини олади.
Ёрқин сумкалардан фойдаланмаслик
Одатда совуқ мавсумда сумкалар булутли об-ҳаво учун танланади. Аммо бу сафар стилистлар янада ёрқин рангларни қўшишни, ўзингизни, масалан, пушти аксессуар билан хурсанд қилишни таклиф қилишади.
Совуқ мавсумда қуёшдан сақлайдиган кўзойнак тақмаслик
Тўқ рангли кўзойнаклар қишда ҳам образни мукаммал равишда тўлдиради. Лекин улар нафақат мода элементи сифатида ишлатилиши керак. Қуёшдан асровчи кўзойнаклар ҳақиқатан ҳам кўзларни ва кўз қовоқларининг нозик терисини ультрабинафша нурлар таъсиридан ҳимоя қилади, ҳатто булутли ҳавода ҳам.
Узун этик ўрнига калта ботинка кийиш
Ботинка — универсал ва қулай пойабзалдир. Функционаллиги туфайли кўпчилик уни афзал кўради. Бироқ узун этиклар ҳақида унутманг. Стилистларнинг таъкидлашича, бу мавсумда тиззагача бўлган этиклар ва баландроқ ботинкалар яна модага қайтди.
Қалин колготкалардан уялиш
Ниҳоят бутун дунёдаги бувилар ва стилистларнинг фикрлари бир жойдан чиқди: бу йилги тенденциялар орасида иссиқ колготкалар ҳам бор. Қулай аксессуарни танлаётганда қалинлиги ва рангига эътибор беришни унутманг.
Оддий қўлқоплар билан чекланиш
Чарм қўлқоплар — доимий классика. Кўпроқ экстравагант нарсани хоҳлайдиганлар учун мода дизайнерлари ушбу аксессуарнинг узун моделларини таклиф қилишади. Ушбу услубдаги қўлқоплар ҳашаматли кўринади ва гардеробингизнинг асосий қисмига айланади. Уларнинг ранглари ҳар хил бўлиши мумкин: ёрқин кўкдан оч пушти ранггача.
Шарф узунлигини беркитиш
Қиш — ҳар хил ранг ва ўлчамдаги шарфлар кўчаларни тўлдирадиган фасл. Афтидан, шарф мавсумнинг энг машҳур аксессуари, чунки у нафақат совуқдан ҳимоя қилади, балки кайфиятни ҳам кўтаради. Шунинг учун либосларга уйғун бир нечта шарф харид қилиш лозим. Жуда узун шарфлар айниқса долзарб: улар калталарга қараганда ажойиб кўринади ва кўплаб замонавий коллекцияларда мода дизайнерлари томонидан қўлланади.
Мавзуга доир:
Изоҳ (0)