Замонавий дунёда ҳар куни энг мураккаб эҳтиёжларни қондириш учун жуда кўп миқдорда товарлар пайдо бўлади. Уларнинг кўпчилиги ҳақиқатан ҳам ҳаётни яхшилаши мумкин, аммо бошқалар кўпинча вақт, пул ва жой олади.
Чойнак каби “ақлли” ошхона жиҳозлари
Янги технологиялар ривожланиши телефон ёрдамида тостер учун иссиқлик даражасини танлаш ва овоз ёрдамида қаҳва қайнатгич учун капучинодаги шакар даражасини ўзгартириш имконини беради. Энди ҳатто энг оддий чойнакни ҳам мобил телефондан бошқариш, овозли ёрдамчига улаш ва жадвалга мувофиқ ёқиш мумкин.
Бироқ фойдаланишнинг биринчи кунларидан кейин бундай қурилмалар қизиқарли кўринмай қолади. Оддий кундалик одатларни ўзгартириш қийин ва кўпинча мўжизавий чойнак эгалари унинг супер кучини унутиб қўйишади.
Алоҳида кунлар учун комбинезон, ботфорт ва бошқа кийим-кечак ҳамда поябзаллар
Кўпинча мода дўконининг деразаси ёнидан ўтаётганда ёки севимли сайтимизда мавсумий чегирмани кўриб, ғайриоддий нарсаларни сотиб олгимиз келади: чарм комбинезонлар, ботфортлар, ажойиб шаклдаги кўзойнаклар ва бошқалар. Шунга қарамай, бундай хариддан олдин ўйлаб кўриш керак — эҳтимол, бир ёки икки марта кийгандан кейин бу нарсаларни шкафга солиб қўярсиз. Улар кундалик кийиш учун эмаслиги аниқ.
Лаб учун скраб
Терини парвариш қилиш воситаларидан лаб скраби, эҳтимол, энг фойдасизидир. Биринчидан, ундан фойдаланишни унутасиз. Иккинчидан, тиш чўткаси билан ҳам бундай натижага эришиш мумкин. Чўтка ўлик терини мулойимлик билан олиб ташлашга ва лабларни балзамга тайёрлашга ёрдам беради.
Ундан кўра SPF филтрли яхши крем харид қилган маъқул — терини ултрабинафша нурланишидан ҳимоя қилиш ҳар доим муҳим.
Замонавий “ҳайп” кроссовкалар
Машҳур спорт брендлари кўпинча улар учун навбатда турадиган ҳайп нарсаларни чиқаришга интилишади. Бундай янгиликни сотиб олганингиздан сўнг бир неча ҳафта давомида дўстларингиз даврасида эътиборингизни жалб қиласиз. Аммо бир-икки ойдан кейин шов-шув сусаяди. Катта эҳтимол билан кундалик ҳаётда камдан кам ҳолларда бундай кроссовкаларни киясиз.
Ҳайкалчалар, сунъий гулдасталар ва бошқа безаклар
Саёҳатдан турли хил ширинликлар олиб келамиз. Ёки дўстларимиз ва ҳамкасбларимизга байрам учун совға сифатида оламиз. Турли хил ҳайкалчалар, магнитлар ва бошқа безаклар хонани янада жонли ва эстетик қилиши мумкиндек туюлади. Бироқ бу маҳсулотлар камдан кам ҳолларда нафислик беради, қайтага ўзида чанг тўплайди ва хона интерерини бузади.
Патчлар
Патчлар рекламасида уларни мунтазам равишда ишлатиш қизариш ва шишни кетказади, терини тортади ва ажинларни камайтиради, деб даъво қилади. Бироқ интернет фойдаланувчилари бу фикрга қўшилмайди. Патчлар бериши мумкин бўлган максимал нарса озиқланиш ва гидрациядир. Аслида улардан ҳеч қандай сеҳрли таъсир сезилмаган. Ҳар қандай яхши кўз гели осонгина унинг ўрнини босиши мумкин, қолгани юз ниқоблари ва махсус косметик муолажалар билан таъминланиши мумкин.
“Ақлли” соат
Смартфон ва планшетларнинг янги моделлари билан бир қаторда, энг йирик электроника ишлаб чиқарувчилар ҳар йили бозорга ақлли соатларнинг янгидан янги моделларини олиб киришади. Замонавий моделлар нафақат қадамларни ҳисоблабгина қолмай, балки юрак уриши тезлигини, уйқу режимини назорат қилади ва ҳатто қон босимини ўлчайди.
Фойдали кўринадиган функцияларнинг кўплигига қарамай, бундай қурилма эгалари соғлиқларини мунтазам равишда кузатиб боришлари даргумон.
Эфир мойи
Дорихона ёки дўконда турли хил ёғлар — ўрик, лимон, лаванда мойлари жозибали кўринади. Бироқ бундай мойдан фойдаланиш осон эмас: у хушбўй ҳид тарқатмайди ва аллергик реакцияга сабаб бўлиш хавфи туфайли терига суртиш учун ҳар доим ҳам мос келавермайди. Бунинг ўрнига тери учун жуда кўп фойдали ингредиентларни ўз ичига олган хушбўй крем сотиб олган маъқул.
Изоҳ (0)