Мадриднинг «Реал» клубини тарк этаётган ҳимоячи Серхио Рамос 17 июнь, пайшанба куни хайрлашув маросимида иштирок этди. Унда футболчи сўзга чиқиб, ўз кечинмлари билан ўртоқлашди.
Мен билан бирга бўлган барчага ташаккур айтаман. Жамоа, президент (Флорентино Перес), мураббийлар ва клуб ходимларига раҳмат айтишни хоҳлардим.Ҳозир сизларга қараб, ўз эмоцияларимни ушлаб туролмаяпман. «Реал» билан хайрлашиш вақти келди ва бу ҳаётимдаги энг оғир онлардан бири.
Мухлисларга ҳам раҳмат айтаман. Шу ерда, «Сантьяго Бернабеу»да хайрлашишни истагандим. Бироқ сиз доим менинг қалбимда қоласиз.
Ҳаётимдаги энг завқли палла якунланмоқда. Бунақаси энди ҳеч қачон бўлмайди. Ўзимнинг энг юқори даражамни намойиш қилган ҳолда яна бир нечта совринга эга чиқмоқчиман.
Барчага катта раҳмат. Хайрлашмайман, кўришгунча дейман, чунки эртами-кеч қайтаман.
Серхио Рамос, футболчи
Мавзуга доир: «Реал» навбатдаги афсонасига чиқиш эшикларини кўрсатди. Серхио Рамос ва Флорентино Перес ўртасидаги узоқ йиллик «уруш» ҳақида
Серхио «Қироллик клуби» билан бирга 5 та Ла Лига, 4 та Чемпионлар Лигаси, 2 та Испания Кубоги, 4 та Клублар ўртасидаги ЖЧ, 4 та Испания Суперкубоги ва 3 та УЕФА Суперкубоги (умумий ҳисобда 22 та соврин) соҳибига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)