Саудия Арабистонининг «Ан-Насср» клуби Криштиану Роналдудан кейин яна қатор юлдузларни ўз сафига қўшиб олмоқчи.
Marca нашрининг хабар қилишича, клубнинг янги нишони «ПСЖ» марказий ҳимоячиси Серхио Рамос бўлиб турибди. Қайд этилишича, араблар Рамосга «рад этиб бўлмас» даражада кўп маош тўлашга тайёр.
Футболчи аввалига Париж клубининг таклифини кўриб чиқмоқчи. Унинг «ПСЖ» билан амалдаги шартномаси 2023 йилнинг ёзига қадар мўлжалланган ва айни вақтда испан хоҳлаган клуби билан музокара ўтказиш ҳуқуқига эга.
«Ан-Насср»нинг яна бир мақсади — «Реал» футболчиси Лука Модрич. 37 ёшли футболчининг Мадрид клуби билан шартномаси шу ёзда тугайди.
Хорватга, шунингдек, АҚШнинг «Интер Майами» жамоасидан ҳам қизиқиш бор.
Изоҳ (0)