Мадриднинг “Реал” клуби раҳбарияти Серхио Рамосни мавсум якунига қадар жамоага қайтаришдан бош тортди. Бу ҳақда El Chiringuito ёзмоқда.
Маълум қилинишича, ҳимоячи клуб билан мавсум охиригача шартнома имзолаш масаласини муҳокама қилган.
“Реал Мадрид” президенти Флорентино Перес ва клуб директори Хосе Анхел Санчес таклиф учун Рамосга миннатдорчилик билдириб, уни рад этган.
Маълумот учун, 38 ёшли Рамос июнь ойида “Севилья”ни тарк этганидан сўнг эркин агент ҳисобланади. Ҳимоячи 2005 йилдан 2021 йилгача “Реал”да фаолият юритган.
“Реал Мадрид” ҳимоячилари Даниэль Карвахаль, Эдер Милитао, Давид Алаба ва Лукас Васкес жароҳат олган. Карвахаль ва Милитао мавсум якунига қадар сафдан чиққани айтилмоқда.
Изоҳ (0)